به گزارش خبرگزاری مهر به نقل از رادیو «کلید»، «محمد حنیف اتمر» مشاور امنیت ملی افغانستان در یک سفر یکروزه با هدف گفتگو با مقامات دولت تاجیکستان عازم دوشنبه شد.
حنیف اتمر، به دعوت رسمی «عبدالرحمن قهاروف» دبیر شورای امنیت ملی تاجکستان به این کشور سفر کرده است. طی این سفر نخست مشاور امنیت ملی افغانستان با «امامعلی رحمان» رئیس جمهور تاجیکستان دیدار خواهد کرد و پیام «اشرف غنی» رئیس جمهور افغانستان را به وی ابلاغ می کند.
شورای امنیت ملی افغانستان در مورد جزئیات پیام اشرف غنی چیزی اعلام نکرده است اما در ادامه افزوده است: حنیف اتمر در جریان این سفر با کمیته امنیت ملی تاجیکستان نیز یک نشست دو جانبه خواهد داشت.
مشاور امنیت ملی افغانستان در این سفر با مقامات تاجیکستانی پیرامون موضوعات مورد علاقه، از جمله افزایش همکاری‌های امنیتی، مبارزه علیه تروریسم و جرایم سازمان یافته گفتگو خواهد کرد.
ایجاد هماهنگی بیشتر با هدف تامین امنیت مرزهای دو کشور یکی دیگر از موضوعاتی است که مشاور امنیت ملی افغانستان با مقامات تاجیکستانی مطرح می کند.
نظر شما