به گزارش خبرگزاری مهر به نقل از ایتارتاس، دفتر مطبوعاتی کاخ کرملین از تماس تلفنی «ولادیمیر پوتین» و «امامعلی رحمان» رؤسای جمهور روسیه و تاجیکستان خبر داد.
محورهای این گفتگو، تحولات اخیر افغانستان و استحکام مرز تاجیکستان با این کشور عنوان شده است.
در هفته های گذشته، گزارش هایی درباره صف آرایی نیروهای طالبان و تاجیکستان در مرز مشترک خبرساز شد.
گردان های ویژه طالبان در ولایت‌های شمال شرقی از جمله ولایت بدخشان مستقر شده اند.
پیشتر، «ملا عبدالغنی برادر» معاون نخست‌وزیر طالبان، به رسانه‌ها گفته بود که تاجیکستان در امور داخلی ما مداخله می‌کند. او به تاجیکستان هشدار داده بود که آن‌ها می‌توانند به این مداخله واکنش نشان دهند.
رحمان در هفتاد و ششمین مجمع عمومی سازمان ملل متحد گفته بود که هرچند نمی‌خواهد در امور داخلی افغانستان مداخله کند، صلح و ثبات در این کشور زمانی شکل خواهد گرفت که در افغانستان انتخابات برگزار شود و دولتی با شرکت تمامی اقوام روی کار بیاید.